ಬೇಕಾಗುವ ಸಾಮಗ್ರಿಗಳು :
ಮೈದಾ - 2 cups
ಬಾಳೆಹಣ್ಣು -1 ದೊಡ್ಡದು
ಮೊಸರು - 4 - 5 Tbsp
ಸಕ್ಕರೆ - 4 -5 tsp
ಬೇಕಿಂಗ್ ಸೋಡಾ - 1/2 tsp
ಜೀರಿಗೆ - 1/2 tsp
ಉಪ್ಪು - 1 ಚಿಟಿಕೆ
ಎಣ್ಣೆ ಕರಿಯಲು
ಮೊದಲು ಬಾಳೆಹಣ್ಣನ್ನು ಕಿವುಚಬೇಕು. ಅದಕ್ಕೆ ಮೊಸರು, ಸಕ್ಕರೆ, ಉಪ್ಪು, ಬೇಕಿಂಗ್ ಸೋಡಾ, ಜೀರಿಗೆ ಹಾಕಿ ಚೆನ್ನಾಗಿ ಕಲಸಬೇಕು. ನಂತರ ಮೈದಾ ಹಾಕಿ ಚೆನ್ನಾಗಿ ನಾದಬೇಕು. ಕಲಸಿದ ಮಿಶ್ರಣ ಸರಿಯಾದ ಹದಕ್ಕೆ ಬರದೆ ಇದ್ದರೆ ಸ್ವಲ್ಪ ಮೈದಾ ಸೇರಿಸಿ ಕಲಸಿ. ಆರು ಗಂಟೆ ಮುಚ್ಚಿಡಿ (ರಾತ್ರಿ ಕಲಸಿ ಇಟ್ಟು ಬೆಳಗ್ಗೆ ಮಾಡಿ).
ಚಪಾತಿಗೆ ಮಾಡುವಂತೆ ಉಂಡೆ ಮಾಡಿ ಮೈದಾ ಹಿಟ್ಟನ್ನು ಬಳಸಿ ಪೂರಿಯ ಗಾತ್ರಕ್ಕೆ ಲಟ್ಟಿಸಿ. ಬಿಸಿಯಾದ ಎಣ್ಣೆಯಲ್ಲಿ ಗೋಲ್ಡನ್ ಬ್ರೌನ್ ಬಣ್ಣ ಬರುವವರೆಗೆ ಕರಿಯಿರಿ.